世界無煙日2024｜詹天文抗拒煙味 拍親熱戲遇煙民：可唔可以借位
撰文：吳子生
出版：更新：
詹天文（Windy）今日（18/5）現身將軍澳出席《世界無煙日2024暨無煙跑服日》啟動禮。Windy接受《香港01》訪問時表示：「自己本身對煙味係好抗拒，因為聞到嘅時候係好想咳，同埋係會好想即刻離開，咁所以唔係咁鍾意。（身邊有冇朋友吸煙？）身邊朋友就冇食煙嘅，但好多時喺街度都會遇到有人吸煙，變咗好多時我都會選擇離開。不過身邊都有年長嘅朋友佢哋都有吸煙嘅習慣，我都有勸佢哋戒煙，但佢哋有啲人會聽，但亦有啲人係唔會聽咁變咗就要靠佢哋自己取捨。」
詹天文今日出席《世界無煙日2024暨無煙跑服日》啟動禮。（葉志明攝）
被問到男朋友吸煙會如何處理？Windy笑言：「如果一齊之後，發現對方係有吸煙嘅習慣，我先會勸佢先，如果最終佢都冇去改變，我諗呢個人唔係咁適合我。因為難溝通係會好難相處。（拍劇親熱戲，遇對手係煙民點處理？）我諗我會同導演講，可唔可以拍借位，去完成嗰一場戲。」
詹天文對煙味很抗拒。（葉志明攝）